رسوم بالفحم , رسم جميل , رسمات جميلة , لوحات فحمية , لوحات بالرصاص , لوحات بالفحم , الرسام عمار الاحزان , رسم بنات , رسم نساء , رسم اطفال , الرسام عمار الاحزان

الشاعر عمار الاحزان

انتظار الزهور .. لوحة جديدة للرسام عمار الاحزان

حين تنتظر الزهور ان يمر عليها هطل من براثن الربيع تغفو على اناءها ولكن بسكون فاحش ..!!

تلك هي لوحتي الجديدة (( انتظار الزهور )) الرسام عمار الاحزان

عمار الاحزان وهمسات من طراز ٍ آخر

المعروف عنّا معشر المتذوقين اننا نحاول قدر الامكان والافتنان
ان نستحدث من كل فن أخريات ومن كل لون ٍ اوليات
فالاستحداث فن حاله حال باقي الفنون الادبية سواء المسموع منها او المرئي او المقروء
وهنا ومن هنا وحتلي فكرة هي ان انسج نمط التهامس وانقله من حصر الفصيح
لحرية اللهجة
حيث وسع المعنى وشمولية الدلالة
الهمسة : ـ
هي نسيج ادبي هادئ هادف خال ٍ من القافية محافظآ على الوزن والتفعيلة وهي فن مستحدث من اصول الشعر الحر او المقطوعات النثرية السجعية الا انها خالية من التسجع والقافية .


وستكون محطتي هي الكتابة باللهجة الشعبية العراقية على تلك القاعدة
واتمنى ان تروق لكل متذوق رشيدعمار الاحزان
.................................................. ..............................


:: ...... ورق ....... ::


كلشي بالدنيا ورق ..!!
كلشي صاير من ورق ... حتى افكار المشايخ والزعاطيط العتيجة
صايرة بخف الورق ..!!
احلامنة العلّت بعيد .... آمالنا المامش بعد بيها أمل
افراحنا .... هموم الثجالى ... حتى زفات العرس صارت ورق ..!!
موعدنا ... دكات الفجر ... اصواتنا الخفتت قبل صوت القطار
والمحطات المصدّية .... وذيج الحديثة الي تناطر بيها يرجف شوك محبوب وتوانت
كلها مرّت ع الورق ...!!
حتى بخدود اليتامة انطبعت الدمعة ورق ..
والمواعيد الجثيرة .... والصدك ... والجلمة الحنينة ... والزعامة ... ولفة اعكال المجدّم
هية هم صارت ورق ...!!
خرّدت عمري دراهم ما ردت اكمش ورق ... واشتريت اعمامة بيضة كام يقسملي
عليها التاجر بذاك اليمين ... انو مابيها ورق .... !!!!!!
وتالي .... طلعت من ورق ...
هذا ماي الله الجبير .... ممكن اتعاين وياي شلون لوربك يهدها العبرة هاي .....!!!
شراح يصبح بالورق ...؟؟




................................................

عمار الاحزان
اتمنى ان تنال رضا اعجابكم ورضاكم

شعر شعبي عراقي , شعر عراقي , ابوذيات . ابوذيات حديثة , ابوذيات جميلة , فن الابوذية . الشاعر عمار الاحزان

السلام عليكم

اضع بين ايديكم وتحت وطأة ذائقتكم اخوتي المتابعين والزائرين اليوم ابوذيات للشاعر عمار الاحزان اتمنى ان تنال استحسانكم

ربك فوكـ كلشي لا تقل لا

وصغير الي يصيبك لاتقلة

على ظهرك الدوني لاتقلة

يحملك همة ويجازيك اذية

...........................................

طيور العشك يلتنشد بلا صف

وهن عرجات من يمشن بلا صف

مثل تلميذ انا بهجرك بلا صف

ادرس الضيم واتعلم منية

.........................................

اجتمع كلي يقرّر بعدما

هجرتوني بدخلكم بعد ما

احمل جرح رخّص باع ادما

وتعّلم ع اللجم صبح ومسيّة

.....................................

تخبّل من تعدّت الهة فتنة

وتجمّعنة بدربهة والهة فتنة

عافتنة انتدولب والهفتنة

بس نسئل يربك منهي هية

..................................

ذبحنة الوكت غصبآ من هوينة

ولا واحد تفزّع من هوينة

يا صاحب دركنة منهو وينة

بعد ماضل خوي يفيد اخية

 

 

 

......................

 

 

لاوة الدهر حيلي هم لواني
ولا جنّي العزيز الهم لواني
تمنيت بحضرتي هم لواني
اسد ضيغم وا**ّرهن ادية

**************************

لون تدري الفعلتة حين حن
يصاحب كلنة نرجف حينة حن
الوصل يمّة جسمنة حين حان
اذان العشك اذن واهلية

************************

تجاوز كلشي كتلك لا تهد لا
يمّوت حيل شعرك لا تهدلة
اجالك كلبي وضّح لا تهدلا
بس ردلة جواب وهاي هية

************************

قضيت بشوك وحدي من يتاني
وبقيت اشكو بعادك ميت اني
اذن منهو الينطرك من يتاني
لان مابيك رجوة ولا شفية

************************

الحزن كدّرتة والله ماخطاني
وضيم الوكت ابدآ ماخطاني
غير اسمك اخطّن ماخط اني
ويحرم كل اسم خطة علية

************************

الاحبّة اعيونة صلفة مايهم لي
على بعدة اناشد ما يهم لي
لانّة بنارة لية وماية هم لي
وصحرائة وهوائة وكلشي لية

*********************

يجيلك يوم تنذل واني اذكرك
يلّن اكطعت ذكرك واني ذكرك
شهادة موتي عندك واني ذكرك
لمن يصفة النعش بيد الوطية

 

رسوم بالزيت , الوان الزيت , اكرليك , رسم بالوان الاكرليك , الرسم , رسوم جميلة , حداثة , كلاسيك , انطباعي , عمار الاحزان

اخوتي متابعي مدونتي المتواضعة السلام عليكم ورحمة الله وبركاته

اضع بين ايديكم اليوم بعض من اعمالي الجديدة باقكار جديدة اتمنى ان تروق لكم وترقى لكم

.............................



بالوان الزيت

اسميتها

(( حلم نبتة ))

................................

بالوان الزيت

اسميتها

(( هرامة بكرامة ))

....................

 بالوان الزيت

اسميتها

(( جلسة شاي عراقي ))

انتظروني باعمال اخرى ان شاء الله

اخوكم الرسام

عمار الاحزان